Kocha amwagia sifa Watkins

Kipa wa Aston Villa, Emi Martinez anaamini mchezaji mwenzake Ollie Watkins anafaa kushinda mchezaji bora wa Ligi Kuu ya Uingereza.

Bao la 19 la mshambuliaji huyo kwenye ligi katika kampeni liliipa ushindi wa 2-0 Arsenal waliokuwa wakiwinda taji na kuongeza matumaini ya Villa kufuzu Ligi ya Mabingwa.

Watkins ni bao moja tu nyuma ya Erling Haaland wa Manchester City katika mbio za kuwania kiatu cha dhahabu.

"Anapaswa kuwa mshindani mzuri sana," Martinez aliambia Sky Sports. Watkins ameongoza kikosi cha Unai Emery, ambacho sasa kiko nafasi ya nne zikiwa zimesalia mechi tano pointi tatu mbele ya Tottenham, ambao wana mchezo mkononi.

Idadi yake katika kampeni hii inalingana na ubora zaidi kuwahi kutokea kwa mchezaji wa Villa katika enzi ya Ligi ya Premia, huku Mwingereza huyo mwenye umri wa miaka 28, pia akiwa juu kwa asisti 10 za ligi kuu.

Ingawa Watkins alidharau pendekezo la Martinez, kuna tuzo moja ya kibinafsi ambayo anajitolea kushinda. "Kama mshambuliaji, unataka kufunga mabao mengi iwezekanavyo,".

“Sitadanganya, nakimbizana na hilo, ninafanya kila niwezalo kuisaidia timu kupata ushindi na nifunge mabao na kutoa pasi nyingi za mabao kwa wachezaji wenzangu, hakika nina macho yangu kwenye kiatu cha dhahabu.